„გაერთიანებული ოპოზიციის კოორდინატორს და მეოთხე ბრიგადის ყოფილ მეთაურს ზურაბ შამათავას ცეცხლსასროლი იარაღის ტარების ფაქტი არ დაუდგინდა“, - ამის შესახებ „ინტერპრესნიუსს“ შინაგან საქმეთა სამინისტროდან აცნობეს.

უწყების ინფორმაციით, შინაგან საქმეთა სამინისტროს სამეგრელო ზემო-სვანეთის პოლიციის დეპარტამენტში შევიდა შეტყობინება, რომ მოქალაქე ზ.შ. არარეგისტრირებული ცეცხლსასროლი იარაღით გადაადგილდებოდა.

„სამართალდამცველებმა, მიღებული ოპერატიული ინფორმაციის საფუძველზე გამოძიება ცეცხლსასროლი იარაღის მართლსაწინააღმდეგოდ შეძენა-შენახვა-ტარების ფაქტზე, საქართველოს სსკ-ს 236-ე მუხლით დაიწყეს. პოლიციამ, მიმდინარე გამოძიების ფარგლებში, მოქალაქე ზ. შ. გადაამოწმა, რის შედეგადაც ცეცხლსასროლი იარაღის ტარების ფაქტი არ დადასტურდა. სამართალდამცველებმა ზ.შ. ადვოკატის თანდასწრებით გამოკითხეს, რის შემდეგაც მათ პოლიციის შენობა დატოვეს“, - აცხადებენ შსს-ში.

წყარო :