ექსპერტ რამაზ საყვარელიძის განცხადებით, არჩევნებში დამარცხების შემთხვევაში „ნაციონალური მოძრაობა“ საპროტესტო აქციაზე ხალხს ვერ გამოიყვანს.

„როგორც წესი, ჩვენთან არჩევნების მეორე დღეს უფრო დიდი მოლოდინით უცდიან, ვიდრე თვითონ არჩევნების დღეს. ბოლო ხანებში დადებითი ტრადიცია დამყარდა, რომ არჩევნების დღეს არაფერი ხდება, მაგრამ მეორე დღე დაზღვეული არ არის ხოლმე. მე მგონია, რომ ამ შემთხვევაშიც მეორე დღე მნიშვნელოვანი იქნება, თუმცა არჩევნების დღესაც შეიძლება მცირე ინციდენტები იყოს. „ნაციონალური მოძრაობის“ ინტერესებშია ის, რომ მინიმუმ ეჭვი შეეპაროს მოსახლეობას და დასავლელ პარტნიორებს იმაში, რომ არჩევნები სამართლიანი იყო. მათ მიერ საპროტესტო აქციაზე მოსახლეობის გამოყვანა, სავარაუდოდ, ვერ მოხდება, ვინაიდან მოსახლეობის უფრო დიდი რაოდენობა გამოვა „ნაციონალური მოძრაობის“ წინააღმდეგ. მაგრამ მცირე ინციდენტები ალბათ, იქნება, რომ შემდეგ უცხოელებთან იყვირონ, რომ, აი, კონფლიქტები იყო და ძალადობას ჰქონდა ადგილი. მგონია, რომ 29 ნოემბერი არც ისე მშვიდი დღე იქნება, მაგრამ არ ისე კატასტროფა, როგორც ზოგჯერ მიაჩნიათ“, - განაცხადა რამაზ საყვარელიძემ.