არჩეულმა პრეზიდენტმა სალომე ზურაბიშვილმა კითხვაზე - რას იტყოდა ოპოზიციის მოთხოვნაზე, რომელიც ვადამდელ საპარლამენტო არჩევნების დანიშვნას უკავშირდება, განაცხადა, რომ დღეს ოპოზიციის გეგმებზე სათქმელი არაფერი აქვს.

„ოპოზიციაზე მათ ჰკითხეთ, რაც მათ ეხებათ, მე დღევანდელ დღეს ოპოზიციის გეგმებზე სათქმელი არაფერი მაქვს. დღეს არ ვარ ჯერ მომზადებული მაგისთვის, ძალიან ბევრი საქმე მაქვს უშუალოდ ამ ინაუგურაციასთან დაკავშირებით“, - განაცხადა სალომე ზურაბიშვილმა.