ოსლოში, პოლიციის განყოფილებაში ასაფეთქებელი მოწყობილობა აღმოაჩინეს. ბომბი საფოსტო გზავნილში იყო დამონტაჟებული. ადგილზე მობილიზებულმა გამნაღმველებმა მისი გაუვნებელყოფა შეძლეს.

პოლიციის უფროსის განცხადებით, ამოქმედების შემთხვევაში ასაფეთქებელ მოწყობილობას მასშტაბური ზიანის მოტანა შეეძლო. მომხდარზე გამოძიება დაწყებულია. სამართალდამცველებს ჯერ ეჭვმიტანილი არ ჰყავთ.