პარლამენტის აგრარულ საკითხთა კომიტეტის თავმჯდომარე ოთარ დანელიამ კითხვაზე, იგეგმება თუ არა „ქართულ ოცნებაში“ საკადრო გადაადგილებები და საჭიროებს თუ არა გუნდი განახლებას, განაცხადა, რომ საჭიროების შემთხვევაში ხელისუფლება ცვლილებას არ უნდა მოერიდოს.

„მე ვერ გეტყვით, იგეგმება თუ არა რაიმე, ამ თემაზე ინფორმაციას არ ვფლობ. თუმცა, მგონია, რომ უნდა გაკეთდეს სრულფასოვანი ანალიზი და საჭიროების შემთხვევაში, თუ ცვლილება იქნება აუცილებელი რომელიმე რგოლში, ამ ცვლილებას არ უნდა მოვერიდოთ", - განაცხადა ოთარ დანელიამ.