საქართველოს ფეხბურთის ფედერაციის აკადემიის 14-წლამდელთა გუნდი მაკედონიაში მიმდინარე ოთხთა ტურნირზე ბელარუს თანატოლებს დაუპირისპირდა. მატჩის ძირითადი დრო ფრედ - 2:2 დასრულდა, რის შემდეგაც რეგლამენტის მიხედვით, მოთამაშეები 11-მეტრიანი დარტყმების შესასრულებლად გაემართნენ. პენალტების სერიაში ნორჩმა „ჯვაროსნებმა" მარცხი იგემეს - 1:3. მეტოქის კარის აღება დვალმა და ტეფნაძემ მოახერხეს.

სფფ-ის აკადემიის U14 გუნდი: უგრეხელიძე, მარტყოფლიშვილი, ლატარია, შალიკაშვილი, მირზიკაშვილი, ტალახაძე, ჯგუჯგია, გაგნიძე, კვარაცხელია, ჟივიძე, თოხაძე;

მთავარი მწვრთნელი: პაატა მეტრეველი

გოლები: დვალი (62'), ტეფნაძე (79');

ოთხთა ტურნირის მეორე შეხვედრაში აკადემიის 15-წლამდელთა გუნდი მაკედონიას დაუპირისპირდა და მინიმალური სხვაობით დამარცხდა - 0:1.

სფფ-ის აკადემიის U15 გუნდი: ჩიკაშუა, აბზიანიძე, გულხადარაშვილი, ოდიშერიძე, აშორდია, ჩოთალაშვილი, მემარნე, მესიაჩენკო, გაგუა, ქვარაია, გულიაშვილი;

მთავარი მწვრთნელი: გიორგი ნემსაძე