ეკონომიკისა და მდგრადი განვითარების სამინისტროს, ტექნიკური და სამშენებლო ზედამხედველობის სააგენტომ 2018 წლის განმავლობაში გუდაურის სარეკრეაციო ტერიტორიაზე, 16 სასტუმროს მშენებლობის ნებართვა გასცა.

როგორც ეკონომიკის სამინისტროში აცხადებენ, მშენებლობების დასრულების ვადებად, ნებართვის მიხედვით, 2019-2020 წლებია განსაზღვრული.

სამინისტროს ცნობით, სასტუმროებს ორგანიზაციები და კერძო პირები აშენებენ.