„ჩვენ დავიწყეთ პასუხისმგებლიანი დაკრედიტების სისტემის დანერგვა, რაც საბოლოო ჯამში მოგვცემს იმის საშუალებას, რომ სისტემაში დღეს არსებული პროცენტები ნაბიჯ-ნაბიჯ შემცირდეს“, - ამის შესახებ საქართველოს პრემიერ-მინისტრმა მამუკა ბახტაძემ facebook-live-ში ამ თემაზე დასმული კითხვის საპასუხოდ განაცხადა.

მთავრობის მეთაურის განმარტებით, ამის შესაძლებლობას ფინანსური ინსტიტუტებისთვის რისკების შემცირება იძლევა.

„ზოგადად, რისკის კომპონენტი შემცირდება ყველა ფინანსური ინსტიტუტის პორტფელში და შესაბამისად, მათ ექნებათ იმის საშუალება, რომ ბაზარზე უფრო ხელმისაწვდომი სესხები გაჩნდეს“, - განაცხადა პრემიერმა.