„ნაციონალური მოძრაობის“ წარმომადგენლებმა პარლამენტთან კარვები დაშალეს. როგორც 1tv.ge-ს პარტიის წევრმა ლევან ხაბეიშვილმა განუცხადა, საუბარია დაახლოებით ათამდე კარავზე, რომელიც პარლამენტთან 16 დეკემბერს გაშალეს.

მისი თქმით, ამ დროისთვის, კარვები სადმე კონკრეტულ ადგილას არ გადააქვთ, თუმცა სადაც საჭირო გახდება, იქ დადგამენ.

როგორც ლევან ხაბეიშვილმა აღნიშნა, ხვალ თანაგუნდელებთან ერთად, გურჯაანში გაემგზავრება, სადაც დავით კირკიტაძის სასამართლო პროცესი უნდა გაიმართოს.

რუსთაველის გამზირზე, პარლამენტთან „ნაციონალური მოძრაობის“ რამდენიმე წარმომადგენელმა კარვები 16 დეკემბერს გაშალა.