საგარეო საქმეთა მინისტრის მოადგილე ვახტანგ მახარობლიშვილი მიხეილ სააკაშვილის განცხადებას გამოეხმაურა, რომ „ნიკოლა სარკოზი ჩადის ყველგან, სადაც კარგად გადაუხდიან“.

მახარობლიშვილის განცხადებით, საფრანგეთის ყოფილი პრეზიდენტი ნიკოლა სარკოზი საქართველოში სახელმწიფო თვითმფრინავით, საფრანგეთის პრეზიდენტის დელეგირებით ჩამოვიდა.

„მე დავხვდი აეროპორტში ბატონ სარკოზის ქართული მხრიდან, ამიტომ შემიძლია დაგიდასტუროთ, რომ სარკოზი არ იყო საქართველოში ვინმეს კერძო მოწვევით ჩამოსული. ის ჩამოვიდა სახელმწიფო თვითმფრინავით და დელეგირებული იყო საფრანგეთის პრეზიდენტის მიერ, რომ წარმოედგინა საფრანგეთი საქართველოში, ინაუგურაციის დროს", - განაცხადა ვახტანგ მახარობლიშვილმა.