მუსიკალურ-ქორეოგრაფიული დრამა „სამოსელი პირველის" ლიბრეტოს ავტორმა მარინა სალუქვაძემ „რეპორტიორის" პრესკლუბში გამართულ ბრიფინგზე ისაუბრა სპექტაკლის შესახებ და აღნიშნა, რომ ამ პროექტში მონაწილეობას იღებენ როგორც დამწყები, ისე გამოცდილი მსხიობები.

„ყველაზე მნიშვნელოვანი რაც არის, პროექტში  მონაწილეობას  იღებს თეატრის და კინოს ოცდაორი მსახიობი - ყველა თაობის, როგორც გამოცდილი, ისე დამწყები მსახიობები. დომენიკოს როლს ასრულებს ჩემთვის პირადად აღმოჩენა თორნიკე ბზიავა, რომელსაც სამსახიობო კარიერაში ნაკლები გამოცდილება აქვს, თუმცა, ჩინებული რეჟისორი და სცენარისტია", - ამბობს მარინა სალუქვაძე.