„დიდი წარმატება ექნება ამ პროექტს!" - ამბობს ერთ-ერთი პარტიის შემსრულებელი ირაკლი მურჯიკნელი მუსიკალურ-ქორეოგრაფიული დრამა „სამოსელი პირველის" შესახებ „რეპორტიორის" პრესკლუბში გამართულ ბრიფინგზე. მურჯიკნელი ფიქრობს, რომ ეს სპეკტაკლი მოსასმენადაც და საყურებლადაც ძალიან სასიამოვნო იქნება.

„მინდა ვთქვა, რომ მარტივიც არის და რთულიც. შესასრულებად ძალიან რთულია, მოსასმენად ძალიან სასიამოვნო, არავის გაუჭირდება ამ სპექტაკლის მუსიკალური მხარის მოსმენა. მიხარია, რომ ასეთ კარგ მსახიობებთან მიწევს მუშაობა. დარწმუნებული ვარ, დიდი წარმატება ექნება ამ პროექტს, მიუხედავად იმისა, რომ ასე მოკლე ხანში უნდა გაკეთდეს", - ამბობს ირაკლი მურჯიკნელი.