„ქართული ოცნების“ ოფისში გამართულ შეხვედრას ყოფილი პრემიერ-მინისტრი ბიძინა ივანიშვილი ესწრებოდა. ამის შესახებ ჟურნალისტებს დეპუტატმა თამაზ მეჭიაურმა განუცხადა.

მეჭიაურის განმარტებით, ივანიშვილი შეხვედრას ფრაქციის წევრების თხოვნით დაესწრო.

„არის გარკვეული საკითხები, რაზეც მასთან შეკითხვები ჰქონდათ", - განაცხადა მეჭიაურმა, თუმცა კონკრეტული საკითხები არ დაასახელა.

როგორც ცნობილია, პრემიერ-მინისტრი გიორგი კვირიკაშვილი ფრაქცია „ქართული ოცნების“ წევრებს შეხვდა.

შეხვედრის დასრულების შემდეგ თამაზ მეჭიაურმა განაცხადა, რომ „ამ წუთიდან პარტიას ტოვებს, თუმცა, რჩება საპარლამენტო უმრავლესობის შემადგენლობაში, ფრაქცია „ქართულ ოცნებაში“", ასევე საფინანსო-საბიუჯეტო კომიტეტის თავმჯდომარედ“.