აღმოსავლური კალენდრის მიხედვით, 2019 წლის 5 თებერვალს ყვითელი ღორის წელიწადი იწყება. ეს კეთილი, ოჯახური სიმბოლოა, ფინანსური კეთილდღეობის და ნაყოფიერების სიმბოლო.

როგორ მოვრთოთ სახლი და მაგიდა

ღორი სიმყუდროვის სიმბოლოა. ამ სიმბოლოთი არა მარტო ნაძვის ხის დამშვენებას გირჩევთ, არამედ ინტერიერისაც.

სუფრა მრავალფეროვანი უნდა იყოს. ცოტა ფრინველის, ცოტა ღორის, ცოტა საქონლის ხორცი, რამდენიმე სალათა და თევზი აბსოლუტურად საკმარისი იქნება. კერძების და მაგიდის გასაფორმებლად გამოიყენეთ მწვანილი და ხილი.

ღორს ძალიან უყვარს სოკო, ასე რომ, ეცადეთ, თქვენს სუფრას სოკოც ამშვენებდეს.

რა ჩავიცვათ

საახალწლოდ მარტო სუფრის და სახლის მორთვა როდია აქტუალური, იმაზეც უნდა დაფიქრდეთ, თავად როგორ მოიკაზმოთ. ამ წელს მთავარი ფერი, რაღა თქმა უნდა, ოქროსფერი იქნება. არ არის აუცილებელი მაინცდამაინც ყვითელი კაბის შეძენა, აქსესუარიც საკმარისი იქნება, მთავარია, ფერები შეუხამოთ სწორად.

დიზაინერების განცხადებით, 2019 წელს ასევე აქტუალური იქნება მწვანე, კენკრისფერი, ნაცრისფერი და, რაღა თქმა უნდა, თეთრი.

რაც შეეხება მაკიაჟსა და ვარცხნილობას, აქცენტის გაკეთებას თვალებსა და ტუჩებზე გირჩევთ. მოდაში იქნება რთული ვარცხნილობები, როგორც შეკრული, ისე გაშლილი თმა.

რა ვაჩუქოთ

ახალ წელს არანაკლებ მნიშვნელოვანია საჩუქარი. მის შესაფუთადაც გირჩევთ, ყურადღება 2019 წლის აქტუალურ ფერებზე შეაჩეროთ.

რა შეიძლება ვაჩუქოთ ჩვენს საყვარელ ადამიანებს?

აქტუალური იქნება გოჭის გამოსახულებიანი აქსესუარები, სათამაშოები, საღამურები, ოთახის ჩუსტები.

სად შევხვდეთ?

მიეცით გასაქანი თქვენს ფანტაზიას, მთავარია, იყოთ ახლობლებთან და საყვარელ ადმიანებთან ერთად და სად იქნებით, ამას არანაირი მნიშვნელობა არ აქვს.

რა გველის

ასტროლოგები მშვიდ წელიწადს ელოდებიან. განსაკუთრებით მას გაუმართლებს, ვინც ღორის წელშია დაბადებული. ამ წელს მოსალოდნელია ლატარიის მოგება, ფინანსური პრობლემების მოგვარება, ოჯახში მატება. ერთი სიტყვით, ყველაფერი კარგი.

წყარო :