სააგენტო ТАСС-ის მიერ გავრცელებული ინფორმაციით აფხაზეთის თვითაღირებული რესპუბლიკის სამხედრო პროკურატურამ სოფელ ხურჩაში მომხდარ მკვლელობასთან დაკავშირებით, „განზრახ მკვლელობის" მუხლით სისხლის სამართლის საქმე აღძრა.

აფხაზეთის გენერალური პროკურატურის პრეს-სამსახურის მიერ გავრცელებული განცხადების თანახმად, ისინი ქართულ მხარეს მტკიცებულებების გადაცემას სთხოვენ იმის შესახებ, რომ მკვლელობა მართლაც ქართული მხარის მიერ კონტროლირებად ტერიტორიაზე მოხდა.

პრეს-სამსახურის ინფორმაციით გიგა ოთხოზორია ნასვამ მდგომარეობაში იმყოფებოდა და მას ე.წ. საზღვრის დამცველებთან შელაპარაკება მოუვიდა. ჩხუბის მიზეზად კი გარდაცვლილის სურვილი სახელდება, რომ მას აფხაზეთში გადასვლა სურდა, თუმცა  შესაბამისი დოკუმენტაცია არ აღმოაჩნდა.

http://accent.com.ge/ru/news/