არაბთა გაერთიანებული საამიროების, ომანისა და ბაჰრეინის ავიაკომპანიები სირიის დედაქალაქში პირდაპირი ავიარეისების აღდგენას გეგმავენ. დამასკოს აეროპორტის ტექნიკური მდგომარეობისა და მზადყოფნის ხარისხის შესამოწმებლად სირიის დედაქალაქში უკვე იმყოფებოდა ავიაკომპანია Oman Air-ის დელეგაცია.

გასული წლის დეკემბერში, ექვსწლიანი წყვეტის შემდეგ, არაბთა გაერთიანებულმა საამიროებმა დამასკოში საელჩო გახსნა. სირიის დედაქალაქში დიპლომატიური წარმომადგენლობის გახსნას ბაჰრეინი და ქუვეითი გეგმავენ.