თელავში, კულტურისა და დასვენების პარკი ნადიკვარი დააზიანეს. პარკში დატეხილი და მოშლილია ტერასები, ჩამსხვრეული და დაბზარულია შუშის მოაჯირები, ამოტეხილია ამფითეატრის იატაკის ფიცრები და ეზოში არსებული სკამები.

დაზიანებულია ქვედა ტერასაზე განლაგებული ინფრასტრუქტურაც.

თელავის მუნიციპალიტეტის მერის ინფორმაციით, პარკი სხვადასხვა დროს მოქალაქეებმა დააზიანეს.

მერის განცხადებით, ნადიკვარზე ინფრასტრუქტურის აღდგენა მიმდინარე წელს დაგეგმილი პროექტის ფარგლებში განხორციელდება.

ადგილობრივები კი დასასვენებელ პარკში კამერების დამონტაჟებას ითხოვენ.