სირიელ ქურთებზე თავდასხმის შემთხვევაში დონალდ ტრამპი თურქეთს ეკონომიკური განადგურებით ემუქრება. განცხადება ამის შესახებ შეერთებული შტატების პრეზიდენტმა Twitter-ის საშუალებით გაავრცელა.

ტრამპის თქმით, მას ასევე არ სურს, რომ ქურთებმა თურქეთის პროვოცირება მოახდინონ. მან მხარეებს 20 კილომეტრიანი უსაფრთხო ზონის შექმნისკენ მოუწოდა.

ამერიკის პრეზიდენტის თქმით, სირიიდან ამერიკელი სამხედრო მოსამსახურეების გამოყვანის პროცესი დაიწყო, თუმცა ვაშინგტონი ISIS-ის დარჩენილი მებრძოლების წინააღმდე ბრძოლას მომავალშიც გააგრძელებს.