კულტურის პალატის პრეზიდენტი დავით ოქიტაშვილი სოციალურ ქსელში შემდეგი სახის პოსტს აქვეყნებს:

„ვუსამძიმრებ სრულიად საქართველოს და გარდაცვლილთა ოჯახებს! დიდ დიღომში მომხდარი ტრაგედიის გამო! სასუფეველი დაუმკვიდროთ უფალმა!“ - წერს ოქიტაშვილი.

დიდ დიღომში აფეთქების შედეგად სამი ადამიანი დაიღუპა. დაშავდა ხუთი ადამიანი, აქედან სამი ბავშვია. როგორც ჯანდაცვის მინისტრმა განაცხადა, ბავშვების ჯანმრთელობის მდგომარეობა არ არის მძიმე და მათ სიცოცხლეს საფრთხე არ ემუქრება. დიდ დიღომში კორპუსიდან, სადაც აფეთქება მოხდა, განხორციელდა მოქალაქეების ევაკუაცია.

არსებული ინფორმაციით, აფეთქება სავარაუდოდ გაზის გაჟონვის გამო ერთ-ერთი საცხოვრებელი კორპუსის მეექვსე სართულზე მოხდა. ადგილზე საგანგებო სიტუაციების მართვის სამსახურის წარმომადგენლები მუშაობენ.