მექსიკაში ნავთობსადენზე მომხდარი აფეთქების შედეგად, სულ მცირე, 21 ადამიანი დაიღუპა და 71 დაშავდა.

არსებული ინფორმაციით, აფეთქების მიზეზი ერთ-ერთი პირის უკანონო ქმედება გახდა, რომელიც ნავთობსადენში არსებული ნაპრალიდან ნავთობის მოპარვას ცდილობდა.

აფეთქება იდალგოს შტატში, შაქრის ქარხნის სიახლოვეს მოხდა. ამჟამად ტერიტორია სამართალდამცავებს აქვთ ბლოკირებული. დაშავებული მოქალაქეები საავადმყოფოში გადაიყვანეს. მათ ძლიერი დამწვრობა აღენიშნებათ.

ნავთობპროდუქტების ქურდობა მექსიკაში ხშირად ხდება. სტატისტიკური მონაცემებით, 2018 წელს მექსიკის ტერიტორიაზე, ყოველ 20 წუთში ერთხელ ფიქსირდებოდა ბენზინის მოპარვის მცდელობა.