თბილისის მერიის პრეს-სამსახურის უფროსი მანანა თოქმაჯიშვილი, facebook-ის პირად გვერდზე ფოტოს აქვეყნებს, სადაც თბილისის ერთ-ერთ ქუჩაზე გადაჭრილი და უსარგებლოდ დარჩენილი ხე, საქართველოს სნოუბორდის ფედერაციის პრეზიდენტმა ლევან მშვილდაძემ „გააცოცხლა“.

„ამბავი ნაგვით სავსე უსარგებლო კუნძისა, რომელიც ერთ მშვენიერ დღეს ლამაზ ქოთნად გადაიქცა.

არაფერი განსაკუთრებული, უბრალოდ, უნდა გიყვარდეს შენი ქალაქი, - ასე ამბობს ლევანი, რომელიც თავის ეზოს, ქუჩას ყოველდღე სიყვარულით უვლის და ალამაზებს“, - წერს მანანა თოქმაჯიშვილი.