„აშშ-ის პრეზიდენტმა დონალდ ტრამპმა თავისი კვარტალური ხელფასი 100 000 აშშ დოლარი ალკოჰოლის ბოროტად გამოყენებისა და ალკოჰოლიზმის კვლევის ეროვნულ ინსტიტუტს გადასცა“, - ამის შესახებ ინფორმაციას ამერიკული გამოცემა „The Hill“ ავრცელებს.

გამოცემა როგორც წერს, თეთრ სახლში დაფინანსების შესახებ ინფორმაცია უკვე დაადასტურეს. დონალდ ტრამპის უფროსი ძმა ფრედ ტრამპი 1981 წელს ალკოჰოლიზმთან დაკავშირებული გართულებების გამო გარდაიცვალა.

2016 წლის შემდეგ, რაც დონალდ ტრამპი პრეზიდენტად აირჩიეს, ის თავის წლიურ ხელფასს 400 000 აშშ დოლარს სხვადასხვა უწყებებს შემოწირულობის სახით გადასცემს.