მომღერალი თამრიკო ჭოხონელიძე „რეპორტიორთან“ საუბრისას აცხადებს, რომ მსახიობი გურანდა გაბუნია ძალიან ბევრ გაჭირვებულ ადამიანს არაერთხელ დაეხმარა.

„გურანდა სიყვარულში და ერთგულებაში ბობოქარი იყო, მაგრამ მას მაინც არ იცნობდნენ კარგად. აი აქაც, ძალიან ბევრი ადამიანი დგას, რომელიც გურანდას ემადლიერებოდა, ძალიან ბევრს დაეხმარა და არაერთხელ. გურანდა ასევე იყო მსახიობი, რომელიც ხალხმა აღიარა და თქვენ ნახეთ, რომ როდესაც ის თეატრიდან გამოასვენეს, ხალხმა ტაში დაუკრა. ჩემთვის პირადად ძალიან ძვირფასი ადამიანი იყო“, - განაცხადა თამრიკო ჭოხონელიძემ.