შს მინისტრმა გიორგი მღებრიშვილმა ჟურნალისტებს განუცხადა, რომ ხურჩაში მომხდარი მუხანათური მკვლელობა დაუსჯელი არ დარჩება და დამნაშავე აუცილებლად დაისჯება.

მისივე თქმით, ინტენსიური გამოძიება მიმდინარეობს, თუმცა დეტალებზე ვერ ისაუბრებს.

„ეს არის ცინიზმით და სისასტიკით ჩადენილი მკვლელობა. ასეთი მუხანათური მკვლელობა დაუსჯელი არ დარჩება და დამნაშავე აუცილებლად დაისჯება", - განაცხადა გიორგი მღებრიშვილმა.

მისივე ინფორმაციით, აფხაზეთისა და ცხინვალის რეგიონების ადმინისტრაციულ საზღვარს აკონტროლებს შს სამინისტროს განსაკუთრებულ დავალებათა დეპარტამენტი და რაიმე საფრთხე მოსალოდნელი არ არის.