21 თებერვალს, 17:00 საათზე, თბილისის ისტორიის მუზეუმში „ქარვასლა“ პროექტის „UP-START” პრეზენტაცია გაიმართება.

ღონისძიებას საქართველოს განათლების, მეცნიერების, კულტურისა და სპორტის მინისტრის პირველი მოადგილე მიხეილ გიორგაძე,  სსიპ „შემოქმედებითი საქართველოს“ დირექტორი ანა რიაბოშენკო და ბრიტანეთის საბჭოს ხელოვნების პროგრამების მენეჯერი მაია დარჩია გაუძღვებიან.

პროექტი „UP-სტარტ”  მიზნად ისახავს თბილისის სახელმწიფო სამხატვრო აკადემიის ბაზაზე მედია ინკუბატორის დაარსებას და სტუდენტებისთვის ბიზნეს პროექტების განვითარების ხელშეწყობას. ასევე, სტუდენტებში ბიზნეს უნარების განვითარებასა და მათი ინგლისური ენის დონის ამაღლებას.