პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილი კოლეგებს მოუწოდებს, ე.წ. კაბელების საქმის პოლიტიზირებისგან თავი შეიკავონ.

„პროცესის დასრულებამდე ჩემი პოზიციის დაფიქსირება ან შეფასების გაკეთება სასამართლო პროცესში ჩარევად მიმაჩნია. მეტიც, მოვუწოდებ კოლეგებს, ამ თემით პოლიტიზირებას მოვერიდოთ, რადგან პროცესზე უარყოფითად აისახება. ხოლო ეს პროცესი აისახება 5 ადამიანის ბედზე, გავუფრთხილდეთ ამ 5 ადამიანს და იმას, რომ სამართალი დადგინდეს", - განაცხადა ირაკლი სესიაშვილმა.