საქართველოს პრეზიდენტი სალომე ზურაბიშვილი 13-14 მარტს სომხეთს ოფიციალური ვიზიტით ეწვევა.

ინფორმაციას სომხური სააგენტო VERELQ წყაროზე დაყრდნობით ავრცელებს.

ინფორმაციის გადამოწმების მიზნით „პირველი“ საქართველოს პრეზიდენტის პრესსამსახურს დაუკავშირდა, სადაც განაცხადეს, რომ „პრეზიდენტის ყველა აქტივობის შესახებ ინფორმაცია გავრცელდება“.

27-28 თებერვალს სალომე ზურაბიშვილმა პირველი რეგიონალური ვიზიტი აზერბაიჯანში განახორციელა, სადაც რესპუბლიკის პრეზიდენტს ილჰამ ალიევს და სხვა ოფიციალურ პირებს შეხვდა.