პროკურორ არჩილ ტყეშელაშვილის განცხადებით, პროკურატურა გამოკითხვის ფარგლებში „თიბისი ბანკის“ დამფუძნებელს, მამუკა ხაზარაძეს მოსთხოვს პასუხს იმის შესახებ, რაც მან თქვა საპარლამენტო კომიტეტზე, მათ შორის წერილთან დაკავშირებით.

„ხაზარაძეს მსგავსი შინაარსის განცხადება პროკურატურაში არ გაუკეთებია. მან მხოლოდ იმის შესახებ ისაუბრა, რომ მიიღო წერილი ეროვნული ბანკისგან, სადაც მითითებული იყო მისი და ბადრი ჯაფარიძის შესაძლო თანამდებობების დატოვების შესახებ. დღევანდელი დაკითხვის ფარგლებში მამუკა ხაზარაძეს მოვთხოვთ პასუხებს იმის შესახებ, რაც მან თქვა საპარლამენტო კომიტეტის სხდომის დროს, რა წერილი მიიღო შს მინისტრისგან და მოვთხოვთ ამ ინფორმაციის დამადასტურებელ დოკუმენტს“, - განაცხადა პროკურორმა.

შეგახსენებთ, რომ მამუკა ხაზარაძის განცხადებით, მან შს მინისტრისგან მუქარის შემცველი წერილი მიიღო.