ჩეხეთის თავდაცვის მინისტრი ლუბომირ მეტნარი აცხადებს, რომ რუსეთი NATO-სთვის ერთ-ერთ უმთავრეს საფრთხეს წარმოადგენს.

„NATO-ს წინაშე არსებულ საფრთხეებს შორის პირველ ადგილზე ტერორიზმია, კერძოდ კი ლოკალური ტერორისტული ორგანიზაციების გლობალური გაფართოება. მეორე ადგილზე კიბერსაფრთხეებია, ხოლო მესამეზე კი ის საფრთხე, რომელიც რუსეთისგან მოდის“, - განაცხადა ლუბომირ მეტნარმა.

ლუბომირ მეტნარის განცხადებით, რუსეთი NATO-სთვის საფრთხეს წარმოადგენს შეიარაღებული ძალების აქტიური მოდერნიზების გამო.

„ამ პროცესს თან ახლავს სამხედრო წვრთნები. რუსეთი ასევე ცდილობს თავისი გავლენები გააძლიეროს ევროპის ქვეყნებში, რომლებიც ადრე სოციალისტურ ბანაკს მიეკუთვნებოდნენ“, - აღნიშნა მეტნარმა.