ქართველი ხელოვანები თემურ წიკლაური, ირმა სოხაძე, რობერტ სტურუა, თიკა ფაცაცია, ბესო ზანგური, ჯანო იზორია, სანდრო მიკუჩაძე, ედმონდ მინაშვილი, ირაკლი სანაია, ზურა დოიჯაშვილი, ზალიკო სულაკაური, მასტერი, დათო დარჩია სპეციალურ მიმართვას ავრცელებენ.

ვიდეორგოლში, რომლის ავტორიცაა გიორგი გაბედავა, ხელოვანები აფხაზებს მიმართავენ და ერთად დგომისკენ მოუწოდებენ.

„აფხაზეთი საქართველოა! აფხაზებო! ჩვენ ერთი სისხლი და ხორცი ვართ!" - ეს არის ძირითადი გზავნილი, რომელსაც ქართველები აფხაზ ძმებს უგზავნიან.

ვიდეო სოფელ ხურჩაში მოკლულ გიგა ოთხოზორიას ხსოვნას ეძღვნება.