საქართველოს მორაგბეთა ნაკრებმა ევროპის ჩემპიონატზე გერმანიას უმასპინძლა. შეხვედრა ქუთაისში, "აია არენაზე" გაიმართა და საქართველოს გამარჯვებით 52:3 დასრულდა.

მატჩის საუკეთესო მოთამაშედ საქართველოს ნაკრებისა და ქუთაისის ,,აიას" მორაგბე მირიან მოდებაძე დასახელდა, რომელიც ქალაქის მერმა გიორგი ჭიღვარიამ დააჯილდოვა.

ქართველმა მორაგბეებმა ამ გამარჯვებით ერთი ტურით ადრე, უკვე გაინაღდეს ჯგუფში პირველი ადგილი. მომდევნო მატჩს კი "ბორჯღალოსნები" რუსეთის წინააღმდეგ კრასნოდარში,17 მარტს, 16:00 საათზე გამართავენ.

წყარო :