საქართველოს იუსტიციის სამინისტროს გადაწყვეტილებით, 26 მაისს დაბადებულ ახალშობილებს საიუბილეო თარიღთან დაკავშირებით დაბეჭდილი დაბადების მოწმობები გადაეცემათ.

ამის შესახებ დღეს გამართულ ბრიფინგზე საქართველოს იუსტიციის მინისტრმა თეა წულუკიანმა განაცხადა.

მინისტრის ინფორმაციით, დაბადების მოწმობის ყდაზე დატანილი იქნება სპეციალური შინაარსის ინფორმაცია  - „საქართველოს მოქალაქე დაბადებულია საქართველოს დამოუკიდებლობის აღდგენის 25 წლის აღმნიშვნელ საიუბილეო დღეს".

ანალოგიური მოწმობები მთელი საქართველოს მასშტაბით 26 მაისს დაბადებული ახალშობილების მშობლებს გადაეცემათ.