მსოფლიო ვარსკვლავი რობი უილიამსი საქართველოს დამოუკიდებლობის დღესთან დაკავშირებით თბილისში კონცერტს გამართავს.

ბრიტანელი სუპერვარსკვლავის რობი უილიამსის კონცერტამდე სულ უფრო ცოტა დრო რჩება. „სთეიჯ დიზაინ გრუპის" წარმომადგენლებმა შოუსთვის სცენის აწყობა რამდენიმე დღის წინ დაიწყეს და ამ დროისათვის ძირითადი ტექნიკური სამუშაოები დასასრულს უახლოვდება. რობი უილიამსი ქართველ მსმენელს გრანდიოზულ შოუს პირდება.

შეგახსენებთ, მსოფლიო ვარსკვლავი კონცერტს 27 მაისს „დინამო არენაზე" გამართავს. მუსიკოსი მსმენელის წინაშე გრანდიოზული შოუთი წარდგება. საქართველოს დამოუკიდებლობის დღისადმი მიძღვნილ კონცერტზე შესრულდება რობი უილიამსის ყველასათვის ცნობილი ჰიტები.