„ლადო კახაძის დამსახურება თბილისისა და მთაწმინდელების წინაშე იმდენად დიდია, რომ მასთან კონკურენცია ბევრს გაუჭირდება“, - აღნიშნული შეფასება ჟურნალისტებთან საუბრისას „ქართული ოცნების“ დეპუტატმა ზაქარია ქუცნაშვილმა გააკეთა.

ქუცნაშვილის თქმით, ლადო კახაძე ყოველთვის იყო თბილისის ინტერესების სადარაჯოზე.

„ლადო კახაძე იყო თბილისის პირველი საკრებულოს თავმჯდომარე და მისი დამსახურებაა, რომ ამ დროს შემუშავდა უხვი ნალექებისგან მთაწმინდის ფერდობის დაცვის პროგრამა. მთაწმინდის ფერდობის მიწისქვეშა კომუნიკაციების პირველი პროექტი მისი საკრებულოს თავმჯდომარეობის დროს გაკეთდა და ამ პროექტზე დაყრდნობით მოხდა ოპერისა და რუსთაველის თეატრების რეაბილიტაცია, რომელთა საძირკველი გამორეცხილი იყო. ის ძალიან ბევრ მთაწმინდელს და თბილისელს მოემსახურა უფასოდ, როგორც ექიმი და კონსულტანტი. ლადო კახაძე ყოველთვის იყო თბილისის ინტერესების სადარაჯოზე“, - განაცხადა ზაქარია ქუცნაშვილმა.

ლადო კახაძე, პარლამენტის შუალედურ არჩევნებში მთაწმინდაზე „ქართული ოცნების“ მაჟორიტარობის კანდიდატია.