აზერბაიჯანის რესპუბლიკის პრემიერ-მინისტრი არტურ რასიზადე საქართველოს პრემიერ-მინისტრ გიორგი კვირიკაშვილს დამოუკიდებლობის დღეს ულოცავს.

მილოცვაში არტურ რასიზადე ორი ქვეყნის მეგობრულ ურთიერთობებზე საუბრობს, რომელიც წარმატებით ვითარდება.

„დარწმუნებული ვარ, ჩვენი ერების თანამშრომლობა და ტრადიციული კავშირები მომავალშიც გაგრძელდება და კიდევ უფრო განმტკიცდება. ვსარგებლობ შემთხვევით, რათა პირადად თქვენ გისურვოთ ჯანმრთელობა და ბედნიერება, ხოლო მოძმე ქართველ ხალხს - მშვიდობა და კეთილდღეობა", - ნათქვამია აზერბაიჯანის პრემიერ-მინისტრის მილოცვაში.