მსახიობი გივი ბერიკაშვილი „რეპორტიორთან" 26 მაისთან დაკავშირებით საუბრობს და სრულიად საქართველოს ულოცავს ამ ღირსშესანიშნავ დღეს.

„თავისუფლება ქართველებისათვის არის ერთ-ერთი სანატრელი გრძნობა. როცა თავისუფალი ხარ, შენ არ უნდა გააკეთო ის, რაც გინდა, არამედ შენი თავის უფალი ხარ და რაც უფალს და ქვეყანას სჭირდება, ის უნდა აკეთო. ამიტომ მიყვარს მე ეს დღე, 26 მაისი ყველაზე მეტად. გაუმარჯოს თავისუფლების დღეს! გაუმარჯოს საქართველოს! ვულოცავ სრულიად საქართველოს, დიდსა და პატარას, საქართველოს თითოეულ მოქალაქეს ამ ღირსშესანიშნავ დღეს!" - ამბობს გივი ბერიკაშვილი.