„სერიოზული განსხვავებებია რუსთავი 2-ის მიერ წარდგენილ ფინანსურ დოკუმენტაციასა და აუდიტის სამსახურის მონაცემებს შორის“, - ასე ეხმაურება ექსპერტი ლევან ნიკოლეიშვილი კომუნიკაციების მარეგულირებელი კომისიის მიერ ჩატარებულ კვლევას.

ესპერტის თქმით, არხის მფლობელებიც და მენეჯმენტიც ვალდებულები არიან დარღვევებთან დაკავშირებით განმარტება გააკეთონ:

„კომუნიკაციების მარეგულირებელი კომისიის კვლევამ რუსთავი 2-ის სავარაუდო დარღვევები გამოავლინა. კვლევამ ბევრი კითხვა გააჩინა! სერიოზული განსხვავებებია რუსთავი 2-ის მიერ წარდგენილ ფინანსურ დოკუმენტაციასა და აუდიტის სამსახურის მონაცემებს შორის. სად წავიდა ეს თანხები? არა და არხის მფლობელიც და მენეჯმენტიც ვალდებულები არიან ამ დარღვევებთან დაკავშირებით, განმარტებები გააკეთონ. რატომ არ აკეთებს სათანადო რეაგირებას შესაბამისი ორგანოები“, - წერს ლევან ნიკოლეიშვილი სოციალურ ქსელში.