„დღეს პრემიერმა წარადგინა ჩვენი გუნდის ინიციატივა განათლების რეფორმის და დაფინანსების ზრდის შესახებ, რომელიც მომავალს ეხება“, - ამის შესახებ საპარლამენტო უმრავლესობის ლიდერმა არჩილ თალაკვაძემ განაცხადა.

„დღეს პრემიერმა წარადგინა ჩვენი გუნდის ინიციატივა განათლების რეფორმის და დაფინანსების ზრდის შესახებ, რომელიც მომავალს ეხება. ეს მასშტაბური პროექტი მომდევნო წლებში თითოეული მოქალაქის საკუთრება გახდება, რადგან ის ეხება პედაგოგებს, სტუდენტებს, მოსწავლეებს და მშობლებს, ეხება დასაქმებას, ინოვაციას და მეცნიერების დაფინანსებას. ახლა არის მომენტი, როცა დიდი ინვესტიცია განათლების სფეროში შესაძლებელია. საზოგადოების მხარდაჭერა განათლების სფეროს წარმატებისთვის ახლა არის ძალიან მნიშვნელოვანი“, - განაცხადა არჩილ თალაკვაძემ.