ამერიკის ფინანსთა მინისტრის მოადგილე საერთაშორისო საკითხებში დევიდ მელპასი მსოფლიო ბანკის პრეზიდენტად აირჩიეს. მელპასი მოვალეობის შესრულებას 9 აპრილიდან შეუდგება.

უახლოესი ხუთი წლის განმავლობაში დევიდ მელპასი უხელმძღვანელებს მსოფლიო ბანკის ჯგუფის ყველა ორგანიზაციას, მათ შორის რეკონსტრუქციისა და განვითარების ბანკს.

ამერიკის პრეზიდენტმა დონალდ ტრამპმა მელპასის კანდიდატურა 6 თებერვალს მას შემდეგ წარადგინა, რაც 1 თებერვალს ორგანიზაციის პრეზიდენტმა ჯიმ იენ კიმმა თანამდებობა დატოვა.