ქართული ოცნების მხარდამჭერი მომღერალი მარიკა თხელიძე ფილარმონიაში მოძრაობა დაიცავი საქართველოს პრეზენტაციას ესწრება. შეხვედრაზე მისულმა მომღერალმა განაცხადა, რომ პოზიციები მოისმინა და აზრი არ შეუცვლია, ისევ ქართული ოცნების მხარდამჭერად რჩება.

მარიკა თხელიძემ აღნიშნა, რომ: „როგორც რიგითი მოქალაქე, მოვსმინე მათი პოზიციები და მიუხედადავ ყველაფრისა, ვრჩები ქართული ოცნების მხარდამჭერად", - აღნიშნა მარიკა თხელიძემ.

მარიკა თხელიძე აქტიურად იყო ჩართული მმართველი პარტიის მხარდაჭერილი კანდიდატის, სალომე ზურაბიშვილის საპრეზიდენტო კამპანიაში. ის სარეკლამო კლიპებსა და მხარდამჭერ კონცერტებში მონაწილეობდა და იყო მოძრაობა #არამიშას წევრები.

მოძრაობა დაიცავი საქართველოს პრეზენტაციას ქართული ოცნების, სხვა მხარდამჭერი მომღერლებიც ესწრებოდნენ. მათ შორისაა დათო ხუჯაძე და ძმები გაჩეჩილაძეები, რომლებიც ასევე იყვნენ ჩართული წინასაარჩევნო კამპანიაში.

მოძრაობა დაიცავი საქართველოს სათავეში ქართული ოცნების ყოფილი მხარდამჭერი, დავით მაღრაძე უდგას. მაღრაძის განცხადებით, მოძრაობა სახალხო ფრონტის იდეაზეა დაარსებული.

წყარო :