ენერგეტიკის მინისტრი კახა კალაძე კორცხელის ინციდენტთან დაკავშირებით, „ნაციონალური მოძრაობის" განცხადებებს მის მიმართ აგორებულ ანტიპიარად აფასებს.

„ნაციონალური მოძრაობა" ყველანაირად ცდილობს, ანტიპიარი აწარმოოს ჩემს მიმართ. გამოიყენოს ის კონკრეტული ფაქტი, რაც სამწუხაროდ, მოხდა კორცხელში. ძალიან კარგად ესმით, რამხელა რესურსი გააჩნია კახა კალაძეს იმ რეჟიმის წინააღმდეგ ბრძოლისთვის, რასაც „ნაციონალური მოძრაობა" წარმოადგენდა. ქართველ ხალხთან ერთად, ოქტომბერში, „ნაციონალურ მოძრაობას" საკადრის პასუხს გავცემთ",- განაცხადა ვიცე-პრემიერმა.