საქართველოს პარლამენტში ეთიკის საბჭო შეიქმნა. დეპუტატებმა ეთიკის საბჭოს შექმნის თაობაზე დადგენილების პროექტს კენჭი დღევანდელ პლენარულ სხდომაზე უყარეს.

ეთიკის საბჭოს შექმნას მხარი 87 დეპუტატმა დაუჭირა.

ეთიკის კოდექსი პარლამენტის წევრის ქცევას მისი სტატუსიდან გამომდინარე არეგულირებს და წესებს განსაზღვრავს, რომლებიც საკუთარ საქმიანობაში, კოლეგებთან, თანამშრომლებთან, მედიასთან, სხვა ინსტიტუტებთან და საზოგადოებასთან ურთიერთობისას უნდა გაითვალისწინონ.