პარლამენტის პლენარულ სხდომაზე, სადაც უზენაესი სასამართლოს მოსამართლეთა დანიშვნის შესახებ კანონპროექტი უნდა განიხილონ, კანონპროექტის მომხსენებელმა - იურიდიული კომიტეტის თავმჯდომარე ანრი ოხანაშვილმა ოპოზიციის წარმომადგენლებს მიმართა, რომ სირცხვილია მათი ქცევა და დამშვიდებისკენ მოუწოდა.

„კოლეგებო, არ გსურთ მოსმენა? სირცხვილია! საზოგადოებას გავაგებინოთ, რაზეა საუბარი. გეშინიათ ამისი? აგიხსნით ყველაფერს“, - მიმართა ანრი ოხანაშვილმა ოპოზიციას.

ამასთან, ოხანაშვილი „ნაციონალური მოძრაობის“ წევრს ნიკა მელიას შეეკამათა.

„შენ გაჩუმდი მანდ. ჭკვიანად იყავი“, - მიმართა ანრი ოხანაშვილმა ნიკა მელიას.