საქართველოს პრემიერ-მინისტრმა მამუკა ბახტაძემ ვლადიმირ ზელენსკის მიულოცა უკრაინის პრეზიდენტად არჩევა.

მამუკა ბახტაძემ Twitter-ის ოფიციალურ გვერდზე დაწერა, რომ საქართველო მხარს უჭერს უკრაინის მშვიდობიან და დემოკრატიულ გადაწყვეტილებებს.

უკრაინაში 21 აპრილს ჩატარებული საპრეზიდენტო არჩევნების მეორე ტურის წინასწარი, ოფიციალური შედეგებით, შოუმენი ვლადიმირ ზელენსკი იმარჯვებს ხმების 73%-ზე მეტით. უკრაინის მოქმედ პრეზიდენტს, პეტრო პოროშენკოს ხმა მისცა 24%-ზე მეტმა.