„38 ათასზე მეტი ბილეთია გაყიდული, დისკომფორტი რომ არ შეიქმნას შესვლაზე, რომ არ იყოს საცობები, მობრძანდით ადრე",-  მიმართა კულტურისა და ძეგლთა დაცვის მინიტრმა მიხეილ გიორგაძემ რობი უილიამსის კონცერტზე დასწრების მსურველებს.

მიხეილ გიორგაძის თქმით, მსმენელს სტადიონზე უჩვეულო გარემო, სასიამოვნო მუსიკა და გამაგრილებელი სასმელები დახვდება.

„17:00 საათზე იღება კარი. დაახლოებით 19,00 საათიდან იწყება რობი უილიამსის კონცერტის მოსამზადებელი სამუშაოები. სცენის გადაწყობის შემდეგ, რობი უილიამსის კონცერტიც დაიწყება,"- აღნიშნა გიორგაძემ,  რომელმაც კონცერტის დაწყების დრო არ დააკონკრეტა.