გარემოს დაცვისა და სოფლის მეურნეობის მინისტრი ლევან დავითაშვილი მთაწმინდის პარკში, ჩაისა და თაფლის ფესტივალის ფარგლებში, ხარისხის ნიშანთან დაკავშირებული ახალი რეგულაციის პრეზენტაციაში მიიღებს მონაწილეობას.

ფესტივალი 5 მაისს, 10:30 საათიდან, მთაწმინდის პარკში გაიმართება.

„გარემოს დაცვის და სოფლის მეურნეობის სამინისტროში  ახალი რეგულაცია - „ხარისხის ნიშნის გამოყენების უფლების მინიჭების წესი“ შემუშავდა. რეგულაცია კიდევ ერთი მხარდაჭერაა სახელმწიფოს მხრიდან, რომელიც ქართული პროდუქციის ხარისხის გაზრდას, მის პოპულარიზაციასა და დაცვას  ემსახურება“, - აღნიშნულია სამინისტროს მიერ გავრცელებულ ინფორმაციაში.