„2019 წელს გამოშვებული ოთხი, ახალი „ისუზუს" მარკის ავტობუსი უკვე ზუგდიდშია, დანარჩენი 11 კი ორი კვირის ვადაში ჩამოვა“, - ამის შესახებ ინფორმაციას ზუგდიდის მუნიციპალიტეტის მერია ავრცელებს.

მერიის ინფორმაციით, ახალი ავტობუსები ადაპტირებულია შეზღუდული შესაძლებლობის პირებისთვის და აღჭურვილია კლიმატკონტროლის სისტემით.

ახალი საქალაქო ტრანსპორტი სამეგრელო-ზემო სვანეთის სახელმწიფო რწმუნებულმა ალექსანდრე მოწერელიამ და ზუგდიდის მუნიციპალიტეტის მერის მოვალეობის შემსრულებელმა მაიზერ ნანავამ დაათვალიერეს.

ახალ ავტობუსებში გადახდის ელექტრონული სისტემა დამონტაჟდება, ავტობუსები მარშუტებზე დღესვე გავიდნენ.