დავითგარეჯის სამონასტრო კომპლექსთან, სადაც საქართველოსა და აზერბაიჯანის საზღვარი გადის, სამოქალაქო აქტივისტები შეიკრიბნენ. მათ სიმბოლურად დავითგარეჯის სამონასტრო კომპლექსის იმ მონაკვეთს, რომელზეც აზერბაიჯანული მხარე პრეტენზიას გამოთქვამს, ცოცხალი ჯაჭვი შემოავლეს.

აქციის მონაწილეების განცხადებით, მათ მშვიდობიან გზავნილი გაუგზავნეს მეზობელ აზერბაიჯანს, რომ დავითგარეჯი არის საქართველოს შემადგენლობაში.

ცოცხალ ჯაჭვში მონაწილე ადამიანები, სხვადასხვა საგალობლებს ასრულებენ და იმედოვნებენ, რომ საზღვრის დემარკაციის საკითხი უმტკივნეულოდ უახლოეს პერიოდში გადაწყდება.

აქციის მონაწილეებმა სამონასტრო კომპლექსის აღნიშნულ ნაწილთან მისასვლელად რამდენიმე კილომეტრი ფეხით გამოიარეს.

აღსანიშნავია, რომ სამონასტრო კომპლექსთან მისასვლელ ბილიკზე რამდენიმე ლოკაციაზე აზერბაიჯანელი მესაზღვრეები არიან, რომლებიც სიტუაციას აკვირდებიან.

პერიმეტრზე ასევე არიან ქართველი მესაზღვრეები, რომლებიც ადგილზე მოქალაქეთა გადაადგილებას აკონტროლებენ. დავითგარეჯის სამონასტრო კომპლექსში აქციის მიმდინარეობისას არანაირ ინციდენტს ადგილი არ ჰქონია.

წყარო :