ამერიკის საელჩო მრავალ ქვეყანაში თავის წარმომადგენლებთან ერთად ეროვნულ და კულტურული მემკვიდრეობების გადარჩენაზე ზრუნავს და სხვადასხვა ღონისძიებებს აფინანსებს. საელჩომ ამჯერად საქართველოს კულტურულ ძეგლს - გელათს მიაპყრო ყურადღება და მის აღსადგენად 750 000 აშშ დოლარი გამოყო.

საქართველოში კულტურული ძეგლების გადასარჩენად ეს უკვე მეთხუთმეტე პროექტია.

აშშ-ის საელჩოს კულტურული მემკვიდრეობის ფონდი სხვადასხვა კულტურულ სეგმენტს ხმარდება: არქეოლოგია, ფოლკლორული მუსიკა, ძველი ქართული არქიტექტურა...

რეაბილიტაციის ფარგლებში მონასტრის ეკლესიების სახურავები პირვანდელ სახეს მიიღებს და სწორედ ამ კრამიტით გადაიხურება.

ეს უნიკალური ხელთნაკეთი კრამიტია, რომელიც აშშ-ის ელჩის კულტურული მემკვიდრეობის ფონდის დაფინანსებით გელათის მონასტრისთვის მზადდება.

ასზე მეტ ქვეყანაში კულტურული მემკვიდრეობების გადასარჩენად ამერიკის მთავრობის გამოყოფილი თანხა 26 მილიონ აშშ დოლარს აღემატება. ამ პროექტის ფარგლებში, 2001 წლიდან 640-ზე მეტი კულტურული ძეგლი გადარჩა.