ბაქოს გრანდ სლემზე +100 კილოგრამ წონით კატეგორიაში ჩემპიონი გელა ზაალიშვილი გახდა. ინფორმაციას საქართველოს ძიუდოს ფედერაცია ავრცელებს.

12 მაისს, ფინალამდე ქართველმა სპორტსმენმა ჰოლანდიელი, აზერბაიჯანელი, შემდეგ რუსეთის ორი წარმომადგენელი იპონით დაამარცხა.

გელა ზაალიშვილის კარიერაში ეს გრანდ სლემის პირველი მოგებაა. ტურნირზე თემურ ნოზაძემ (60 კგ) ვერცხლის, ტატო გრიგალაშვილმა კი (81 კგ) ბრინჯაოს მედალი მოიპოვა.